Archive for the ‘STREE SURAKSHA SAMITHI’ Category

മിഷേലിന്റെ മരണത്തിലുള്ള പോലീസ് വെളുപ്പെടുത്തലിലുള്ള ദുരൂഹതയിലും സത്യസന്ധമായ അന്വേഷണത്തിലൂടെ യഥാർത്ഥ വസ്തുത പുറത്തു കൊണ്ടുവരുവാൻ ആവശ്യപ്പെട്ടുകൊണ്ടും സ്ത്രീ സുരക്ഷാസമിതി മിഷേലിന്റെ ജന്മനാടായ പിറവം ഇരപ്പാംകുഴി ജംഗ്ഷനിൽ സംഘടിപ്പിച്ച പ്രതിഷേധ കൂട്ടായ്മ.   Leave a comment

പ്രതിഷേധ കൂട്ടായ്മയിൽ എഐഎംഎസ്എസ് ജില്ല സെക്രട്ടറി കെ.കെ.ശോഭ പ്രസംഗിക്കുന്നു

മിഷേൽ ഷാജിയുടെ മരണത്തിൽ പോലീസ് വെളുപ്പെടുത്തലുകളിൽ ദുരൂഹതകളുണ്ടെന്നും സത്യസന്ധവും ഊർജ്ജിതവുമായ അന്വേഷണത്തിലൂടെ യഥാർത്ഥ വസ്തുതകൾ പുറത്തു കൊണ്ടുവരണമെന്നും ആവശ്യപ്പെട്ട് മിഷേലിന്റെ ജന്മനാടായ പെരിയപ്പുറം ഇരപ്പാംകുഴി ജംഗ്ഷനിൽ സ്ത്രീ സുരക്ഷാസമിതി സംഘടിപ്പിച്ച പ്രതിഷേധ കൂട്ടായ്മയിൽ എഐഎംഎസ്എസ്(അഖിലേന്ത്യാ മഹിളാ സാംസ്‌കാരിക സംഘടന)  ജില്ല സെക്രട്ടറി കെ.കെ.ശോഭ പ്രസംഗിക്കുന്നു. സ്ത്രീ സുരക്ഷാസമിതി സംസ്ഥാന വൈസ് പ്രസിഡന്റ് ശ്രീമതി PK ശാന്തകുമാരി ഉൽഘാടനം ചെയ്തു . എൻ.ആർ.മോഹൻകുമാർ അദ്ധ്യക്ഷത വഹിച്ചു.കെ.ഒ.സുധീർ (എഐഡിവൈഒ  ജില്ലാ പ്രസിഡന്റ്), എം.കെ.ഉഷ (സ്ത്രീ സുരക്ഷാ സമിതി ജില്ലാ സെക്രട്ടറി ), TC രമണൻ, സാലി സെബാസ്റ്റ്യൻ, രാഗിണി ശശി, ടി സി കമല തുടങ്ങിയവരും സംസാരിച്ചു.

 

Posted March 18, 2017 by EKMSUCI in AIMSS, News, PEOPLE'S MOVEMENT, STREE SURAKSHA SAMITHI

സ്ത്രീകൾക്കും കുട്ടികൾക്കും നേരെയുള്ള അതിക്രമങ്ങൾക്കെതിരെ പ്രതിഷേധകൂട്ടായ്മ   Leave a comment

ganesh-sundaram-pinnanni-gayakan
എറണാകുളം, മാർച്ച് 3,

സ്ത്രീ സുരക്ഷാ സമിതിയുടെ നേതൃത്വത്തിൽ അതിക്രമങ്ങൾക്കെതിരെ പ്രതിഷേധകൂട്ടായ്മ സംഘടിപ്പിച്ചു. എറണാകുളം മേനകയിൽ നടന്ന പ്രതിഷേധ കൂട്ടായ്മയിൽ സാമൂഹ്യ-സാംസ്‌കാരിക രംഗങ്ങളിലെ പ്രമുഖർ പങ്കെടുത്തു. ധാർമ്മികതയുടെയും നൈതികതയുടെയും പാഠങ്ങൾ പുതിയ തലമുറയ്ക്ക് പകർന്നുനൽകാൻ വിദ്യാഭ്യാസ സംവിധാനത്തിനോ, കുടുംബ-സാമൂഹ്യ സംവിധാനത്തിനോ കഴിയുന്നില്ലെന്ന ഗൗരവാവഹമായ പ്രശ്‌നത്തെയാണ് നാം അഭിമുഖീകരിക്കുന്നതെന്ന് കൂട്ടായ്മയിൽ സംസാരിച്ച പ്രശസ്ത പിന്നണിഗായകൻ ഗണേഷ് സുന്ദരം അഭിപ്രായപ്പെട്ടു.
ഒന്നിനുപിറകെ ഒന്നെന്ന നിലയിൽ സ്ത്രീകൾക്കും കുട്ടികൾക്കും നേരെ നടക്കുന്ന അതിക്രമങ്ങൾ രാഷ്ട്രീയസംവിധാനത്തിന്റെ പാളിച്ചയാണ് വ്യക്തമാക്കുന്നതെന്ന് ജനകീയപ്രതിരോധ സമിതി ജില്ലാ പ്രസിഡന്റ് പ്രൊഫ.കെ.അരവിന്ദാക്ഷൻ ഉദ്ഘാടന പ്രസംഗത്തിൽ പറഞ്ഞു.

കൂട്ടായ പ്രതിരോധമാണ് ഒരേയൊരു പോംവഴിയെന്ന് കൂട്ടായ്മയിൽ അദ്ധ്യക്ഷത വഹിച്ച സ്ത്രീ സുരക്ഷാ സമിതിയുടെ പ്രസിഡന്റ് ഡോ.വിൻസന്റ് മാളിയേക്കൽ വ്യക്തമാക്കി. സർക്കാരുകൾ സ്ത്രീ സുരക്ഷയ്‌ക്കെന്നു പറഞ്ഞു മാറ്റിവയ്ക്കുന്ന വൻതുകകൾ അടിസ്ഥാനരഹിതരമായി ചെലവഴിക്കപ്പെടുന്നുവെന്നതല്ലാതെ പ്രശ്‌നത്തിനുപരിഹാരമുണ്ടാകുന്നില്ല. സമൂഹത്തിലെ പ്രബലരും പ്രമുഖരുമാണ് പലപ്പോഴും പ്രതിസ്ഥാനത്ത് നിൽക്കുന്നതെന്നും പ്രമാദമായ കേസ്സുകളിൽപോലും പ്രതികൾ ശിക്ഷിക്കപ്പെടുന്നില്ലയെന്നതും അതിക്രമങ്ങൾ വർദ്ധിക്കുന്നതിന് കാരണമാണെന്ന് മുഖ്യപ്രഭാഷണം നടത്തിയ അഖിലേന്ത്യാ മഹിളാ സാംസ്‌കാരിക സംഘടന സംസ്ഥാന സെക്രട്ടറി ഷൈല കെ.ജോൺ അഭിപ്രായപ്പെട്ടു.

സ്ത്രീ സുരക്ഷാ സമിതി സംസ്ഥാന സെക്രട്ടറി മിനി കെ.ഫിലിപ്പ്, പ്രശസ്ത നാടക സംവിധായകൻ അബ്ബാസ് പ്രതീക്ഷ, മദ്യവിരുദ്ധ ജനകീയ സമരസമിതി ജില്ലാ പ്രസിഡന്റ് കെ.കെ.ഗോപിനായർ, ജനകീയപ്രതിരോധ സമിതി സംസ്ഥാന സെക്രട്ടറി ടി.കെ.സുധീർകുമാർ, ഇന്ത്യൻ നേഴ്‌സസ് പേരന്റ്‌സ് അസോസിയേഷൻ കോ-ഓർഡിനേറ്റർ എൻ.ആർ.മോഹൻകുമാർ, സ്ത്രീ സുരക്ഷാ സമിതി ലീഗൽ സെൽ കൺവീനർ അഡ്വ.എം.എ.ബിന്ദു, എഐഎംഎസ്എസ് സംസ്ഥാന സെക്രട്ടേറിയറ്റംഗം കെ.ജെ.ഷീല, ജില്ലാ സെക്രട്ടറി കെ.കെ.ശോഭ, എം.കെ.ഉഷ, എഐഡിവൈഒ സംസ്ഥാന സെക്രട്ടേറിയറ്റംഗം ടി.ആർ.രാജിമോൾ തുടങ്ങിയവരും പ്രസംഗിച്ചു.

നിർഭയദിനത്തിൽ പ്രതിഷേധ സംഗമം സംഘടിപ്പിച്ചു   Leave a comment

nirbaya-ekm

ഡിസംബർ 29 നിർഭയദിനത്തോടനുബന്ധിച്ച് അഖിലേന്ത്യാ മഹിളാ സാംസ്‌കാരിക സംഘടനയുടെയും സ്ത്രീ സുരക്ഷാ സമിതിയുടെയും സംയുക്താഭിമുഖ്യത്തിൽ എറണാകുളം മേനകയിൽ പ്രതിഷേധ സംഗമം നടന്നു. ജസ്റ്റിസ് പി.കെ.ഷംസുദ്ദീൻ സംഗമം ഉദ്ഘാടനം ചെയ്തു.
”നമ്മുടെ നാട് പിശാചിന്റെ നാടായി മാറിയിരിക്കുന്നു. സ്ത്രീ പീഡനക്കേസുകളിൽ ഉദ്യോഗസ്ഥന്മാർ ബോധപൂർവ്വം തെളിവുകൾ നശിപ്പിക്കുവാൻ ശ്രമിക്കുന്നുവെന്നും സ്ത്രീകളുടെ അഭിമാനവും സുരക്ഷയും സംരക്ഷിക്കാൻ കഴിയാത്ത ഒരു സർക്കാരിനും കോടതിയ്ക്കും ജനാധിപത്യത്തിൽ നിലനിൽക്കുവാൻ അവകാശമില്ലെന്നും അദ്ദേഹം അഭിപ്രായപ്പെട്ടു. ജസ്റ്റിസ് വർമ്മാ കമ്മീഷൻ റിപ്പോർട്ട് അടിയന്തരമായി നടപ്പിലാക്കണ”മെന്നും അദ്ദേഹം ആവശ്യപ്പെട്ടു.

സ്ത്രീ സുരക്ഷാ സമിതി സംസ്ഥാന പ്രസിഡന്റ് ഡോ.വിൻസന്റ് മാളിയേക്കൽ അദ്ധ്യക്ഷത വഹിച്ച യോഗത്തിൽ അഖിലേന്ത്യാ മഹിളാ സാംസ്‌കാരിക സംഘടന സംസ്ഥാന സെക്രട്ടറി ഷൈല കെ.ജോൺ മുഖ്യപ്രഭാഷണം നടത്തി. ചിത്രകാരനും കവിയുമായ സത്കലാ വിജയൻ ‘സ്ത്രീ സുരക്ഷ’ എന്ന തന്റെ കവിത അവതരിപ്പിച്ചു. എഐഡിവൈഒ ജില്ലാ സെക്രട്ടേറിയറ്റംഗം കെ.വി.സന്തോഷ് ഒരു ഗാനം ആലപിച്ചു. മദ്യവിരുദ്ധ ജനകീയ സമര സമിതി ജില്ലാ പ്രസിഡന്റ് കെ.കെ.ഗോപിനായർ, എഐഡിഎസ്ഒ ജില്ലാ പ്രസിഡന്റ് രശ്മി രവി, ജനകീയ പ്രതിരോധ സമിതി ജില്ലാ സെക്രട്ടേറിയറ്റംഗം പി.പി.അഗസ്റ്റിൻ, നവോത്ഥാന ശക്തി ജില്ലാ സെക്രട്ടറി എൻ.ആർ.മോഹൻകുമാർ എന്നിവർ പ്രസംഗിച്ചു. എഐഎംഎസ്എസ് ജില്ലാ പ്രസിഡന്റ് ടി.സി.കമല സ്വാഗതവും സ്ത്രീ സുരക്ഷാ സമിതി ജില്ലാ സെക്രട്ടറി എം.കെ.ഉഷ നന്ദിയും രേഖപ്പെടുത്തി.

 

സ്ത്രീപീഡനം നടത്തുന്നവരെ തൂക്കിലേറ്റിയതു കൊണ്ട്സ്ത്രീ പീഡനത്തിന്പരിഹാരമുണ്ടാകില്ല. സ്ത്രീ സുരക്ഷക്ക്ജസ്റ്റിസ്വർമ്മ കമ്മീഷൻ റിപ്പോർട്നടപ്പിലാക്കൽ അനിവാര്യം: അഡ്വക്കേറ്റ്.കാളീശ്വരം രാജ്   Leave a comment

Adv.Kaleswaramraj speaking

Adv.Kaleswaramraj speaking

സ്ത്രീപീഡനംനടത്തുന്നവരെതൂക്കിലേറ്റിയതുകൊണ്ട്സ്ത്രീപീഡനത്തിന്പരിഹാരമുണ്ടാകില്ലന്നുംഅതിനുജസ്റ്റിസ്ജെ.എസ്.വർമ്മകമ്മീഷൻറിപ്പോർട്ടിൻറെസാമൂഹികപ്രസക്തിഉൾക്കൊണ്ടുകൊണ്ട്അത്നടപ്പിലാക്കാൻ ഭരണാധികാരികൾ മുന്നോട്ടു വരുമ്പോൾ മാത്രമേ സാധ്യമാകൂയെന്നും അതിനുവേണ്ടിയുള്ള ശക്തമായ സമ്മർദ്ദമാണ്സമൂഹത്തിൽ നിന്നും ഉണ്ടാകേണ്ടതെന്നും കേരളഹൈക്കോടതിയിലെ പ്രമുഖ അഭിഭാഷകനും എഴുത്തുകാരനുമായ അഡ്വക്കേറ്റ്കാളീശ്വരംരാജ്അഭിപ്രായപ്പെട്ടു. സ്ത്രീപക്ഷ ചിന്താഗതിയുടെ കാര്യത്തിൽ ജസ്റ്റിസ്വർമ്മ, ജസ്റ്റിസ്കൃഷ്‌ണയ്യരെക്കാൾ ഒരുപടികൂടി മുന്നിലാണെന്ന്റിപ്പോർട്പഠിച്ചാൽ മനസ്സിലാകും. സ്ത്രീസ മൂഹത്തിന്റെ സുരക്ഷയെ കുറിച്ആശങ്കയുള്ള ഏവരും വർമ്മകമ്മീഷൻ റിപ്പോർട്പഠിക്കാനും അതുനാട്ടിലെമ്പാടും ചർച്ചചെയ്യാനും തയ്യാറാകണമെന്ന്അദ്ദേഹം പറഞ്ഞു . സ്ത്രീസുരക്ഷാസമിതി എറണാകുളം ബാർകൗൺസിൽ ഹാളിൽ സംഘടിപ്പിച്ച പ്രവർത്തക കൺവെൻഷൻ ഉത്‌ഘാടനം ചെയ്തുകൊണ്ട്പ്രസംഗിക്കുകയായിരുന്നു അദ്ദേഹം .

സ്ത്രീകൾക്കും കുട്ടികൾക്കും നേരെ വർധിച്ചുവരുന്ന അതിക്രമങ്ങൾതടയുക , കുറ്റവാളികൾക്ക്കർശനശിക്ഷ ഉറപ്പാക്കുക ,ജസ്റ്റിസ്വർമ്മകമ്മീഷൻ റിപ്പോർട്നടപ്പിലാക്കുക എന്നീ ഡിമാന്റുകൾ ഉന്നയിച്ചുകൊണ്ട്സ്ത്രീസുരക്ഷാസമിതി സംസ്ഥാനവ്യാപകമായി ആരംഭിക്കുന്ന പ്രചാരണപ്രക്ഷോഭ പരിപാടിയുടെ തയ്യാറെടുപ്പിൻ്റെ ഭാഗമായിരുന്നു പ്രവർത്തകർക്കായുള്ള കൺവെൻഷൻ . സ്ത്രീസുരക്ഷാ സമിതിസംസ്ഥാനപ്രസിഡന്റ്ഡോക്ടർ വിൻസെന്റ്മാളിയേക്കൽ അധ്യക്ഷതവഹിച്ചു .മദ്യത്തിൻറെയും മയക്കുമരുന്നിന്റെയും ഉപഭോഗം വര്ധിച്ചിരിക്കുന്നതും അശ്ളീലയുടെ വ്യാപനവും കുറ്റകൃത്യങ്ങൾ പെരുകാൻ കാരണമായെന്ന്ഡോക്ടർ .വിൻസെന്റ്മാളിയേക്കൽ അഭിപ്രായപ്പെട്ടു. അഖിലേന്ത്യമഹിളാ സാംസ്കാരിക സംഘടന സംസ്ഥാന സെക്രട്ടറി ഷൈല.കെ.ജോൺ ,സുരക്ഷാ സമിതി സംസ്ഥാന ജനറൽ സെക്രട്ടറിമിനി.കെ.ഫിലിപ് ,മദ്യവിരുദ്ധജനകീയസമരസമിതി ജില്ലാപ്രസിഡന്റ്കെ.കെ.ഗോപിനായർ ,ബ്രേക്ത്രൂ സയൻസ്സൊസൈറ്റി സംസ്ഥാനസമിതി അംഗംകെ.എസ്.ഹരികുമാർ,എൻ.ഹരിറാം ,എൻ.ആർ.മോഹൻകുമാർ ,കെ.എം. ബീവി,സുബൈദ ,ഉഷാകുമാരി,പീതാബരൻ മാഷ്,അഡ്വക്കേറ്റ് .സുജ ,പ്രൊഫ.പി.എൻ.തങ്കച്ചൻ ,എം.കെ.ഉഷതുടങ്ങിയവർപ്രസംഗിച്ചു. വിവിധ വിദ്യാലാലയങ്ങളിൽനിന്നും പങ്കെടുത്ത വിദ്യാർഥിപ്രതിനിധികളും അദ്യാപക പ്രതിനിധികളും മറ്റുസാമൂഹിക സാംസ്കാരികസംഘടന പ്രതിനിധികളും ചർച്ചകളിൽ പങ്കെടുത്തു സംസാരിച്ചു .വർമ്മകമ്മീഷൻ റിപ്പോർട്ടിനെകുറിച്ചുസമൂഹത്തിൻറെതാഴെതട്ടുകളിൽവരെ എത്തുന്ന ബോധവൽക്കരണ പ്രചാരണപരിപാടികളും പ്രധാനമന്ത്രിക്കു സമർപ്പിക്കുന്ന നിവേദനത്തിലുള്ള ഒപ്പുശേഖരണവും രാജ്ഭവൻമാർച്ചും സംഘടിപ്പിക്കും .വിദ്യാലയങ്ങളിലും തൊഴിൽ ഇടങ്ങളിലും പ്രാദേശിക വാർഡ്തലങ്ങളിലും പുരുഷന്മാരും സ്ത്രീകളും അടങ്ങിയ സ്ത്രീസുരക്ഷാസമിതികളും രൂപീകരിച്ചുകൊണ്ടുള്ള പ്രവർത്തനങ്ങൾക്ക്കൺവൻഷൻരൂപം നൽകി. സമിതിയുമായി ബന്ധപ്പെടാനുള്ളനമ്പർ: 9744386841, 9349824988

Posted July 22, 2016 by EKMSUCI in PEOPLE'S MOVEMENT, STREE SURAKSHA SAMITHI

ജിഷയുടെ കൊലയാളികളെ അറസ്റ്റു ചെയ്യുക. തെളിവുനശിപ്പിച്ചവരെ പ്രതിചേർക്കുക   Leave a comment

JISHA EKM PERUMBAVOOR 2

ജസ്റ്റിസ് ഫോർ ജിഷ ആക്ഷൻകൗൺസിൽ കോ-ഓർഡിനേഷൻ കമ്മിറ്റിയുടെ ആഭിമുഖ്യത്തിൽ പെരുമ്പാവൂരിൽ മേയ് 30 ന് നടന്ന മനുഷ്യസംഗമം. ചെയർപേഴ്‌സൺ ലൈല റഷീദ്, ജനറൽ കൺവീനർ ഡോ. അനിൽകുമാർ, സ്ത്രീസുരക്ഷാസമിതി പ്രസിഡന്റ് പ്രൊഫ.വിൻസന്റ് മാളിയേക്കൽ, എഐഎംഎസ്എസ് സംസ്ഥാന പ്രസിഡന്റ് മിനി കെ.ഫിലിപ്പ്, എഐഡിവൈഒ സംസ്ഥാന കമ്മിറ്റിയംഗം കെ.ഒ.സുധീർ, സി.ആർ.നീലകണ്ഠൻ, പ്രചോദന ജില്ലാ കൺവീനർ നിലീന മോഹൻകുമാർ തുടങ്ങിയവർ മുൻനിരയിൽ.

സ്തീ സുരക്ഷാ സമിതി പ്രതിഷേധ സംഗമം സംഘടിപ്പിച്ചു.   Leave a comment

Vincent Maliyekkal addessing fuction

Vincent Maliyekkal addessing fuction

 

സ്തീ സുരക്ഷാ സമിതി എറണാകുളം ജില്ലാ കമ്മിറ്റി മുളന്തുരുത്തി പള്ളിത്താഴത്ത് പ്രതിഷേധ സംഗമം സംഘടിപ്പിച്ചു. ചടങ്ങില്‍ മുളന്തുരുത്തി ഗ്രാമ പഞ്ചായത്ത് പ്രസിഡന്റ് രഞ്ജികുര്യന്‍ മുഖ്യാതിഥിയായി പങ്കെടുത്തു. കേരള സംസ്ഥാന ജനകീയ പ്രതിരോധ സമിതി ജില്ലാ കണ്‍വീനര്‍ എന്‍.ആര്‍.മോഹന്‍ കുമാര്‍ അദ്ധ്യക്ഷത വഹിച്ചു.

മുളന്തുരുത്തി ഗ്രാമ പഞ്ചായത്ത് മുന്‍ പ്രസിഡന്റ് രാജി ചക്രവര്‍ത്തി, അഖിലേന്ത്യാ മഹിളാ സാംസ്‌ക്കാരിക സംഘടന ജില്ലാപ്രസിഡന്റ് ടി.സി.കമല, സ്ത്രീസുരക്ഷാസമിതി ജില്ലാ സെക്രട്ടറി എം.കെ.ഉഷ, വാര്‍ഡ് മെമ്പര്‍ ജയിംസ്, മദ്യവിരുദ്ധ ജനകീയ സമര സമിതി ജില്ലാപ്രസിഡന്റ് കെ.കെ.ഗോപിനായര്‍, നവോത്ഥാന ശക്തി ജില്ലാ സമിതിയംഗം കെ.കെ.സുകുമാരന്‍ എന്നിവര്‍ പ്രസംഗിച്ചു. ചിത്രകാരനും കവിയുമായ സദ്കലാ വിജയന്‍ കവിതയും, കലാസുധാകരന്റെ നേതൃത്വത്തില്‍ സംഘഗാനവും എന്നിവ പ്രതിഷേധ സംഗമത്തിലവതരിപ്പിച്ചു. സംഗമത്തിന് എം.ആര്‍.സെനിത്കുമാര്‍, കെ.പി.പവിത്രന്‍, പി.എം.ദിനേശന്‍, കെ.കെ.ശോഭ, കെ.പി.സാല്‍വിന്‍, കെ.എന്‍.രാജി, കെ.ഒ.ഷാന്‍, സി.കെ.രാജേന്ദ്രന്‍, എം.പി.സുധ തുടങ്ങിയവര്‍ നേതൃത്വം നല്കി.

Posted December 28, 2015 by EKMSUCI in PEOPLE'S MOVEMENT, STREE SURAKSHA SAMITHI

മാര്‍ച്ച് 8 സാര്‍വ്വദേശീയ വനിതാദിനം ആചരിച്ചു   Leave a comment

പൊതുസമ്മേളനം തൃശൂര്‍ അഡീഷണല്‍ ജില്ലാ ജഡ്ജി ചെറിയാന്‍ കെ. കുര്യാക്കോസ് ഉദ്ഘാടനം ചെയ്യുന്നു

പൊതുസമ്മേളനം തൃശൂര്‍ അഡീഷണല്‍ ജില്ലാ ജഡ്ജി ചെറിയാന്‍ കെ. കുര്യാക്കോസ് ഉദ്ഘാടനം ചെയ്യുന്നു

08/03/2014
മാര്‍ച്ച് 8 സാര്‍വ്വദേശീയ വനിതാ ദിനം എറണാകുളം ജില്ലയിലുടനീളം സ്ത്രീസുരക്ഷാ സമിതി ആചരിച്ചു. സാര്‍വ്വദേശീയ വനിതാദിനാചരണത്തിന്റെ ഭാഗമായി പിറവത്ത് സ്ത്രീ സുരക്ഷാ സമിതിയുടെ ആഭിമുഖ്യത്തില്‍ നടന്ന പൊതുസമ്മേളനം തൃശൂര്‍ അഡീ.ജില്ലാ ജഡ്ജ് ചെറിയാന്‍.കെ.കുര്യാക്കോസ് ഉദ്ഘാടനം ചെയ്തു. സ്ത്രീ സുരക്ഷാ സമിതി എറണാകുളം ജില്ലാ പ്രസിഡന്റ് ഡോ.വിന്‍സന്റ് മാളിയേക്കല്‍ അദ്ധ്യക്ഷത വഹിച്ച സമ്മേളനത്തില്‍ പിറവം ഗ്രാമപഞ്ചായത്ത് പ്രസിഡന്റ് സാബു.കെ.ജേക്കബ് മുഖ്യപ്രഭാഷണം നടത്തി. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം.എം.നാസര്‍, പിറവം എസ്.ഐ നോബിള്‍ പി.ജെ എന്നിവര്‍ മുഖ്യാതിഥികളായി പങ്കെടുത്തു. മഹിളാ സാംസ്‌കാരിക സംഘടന ജില്ലാ പ്രസിഡന്റ് കെ.കെ.ശോഭ വിഷയാവതരണം നടത്തി. അയ്യന്‍കാളി കര്‍ഷക സമര ശതാബ്ദി ആചരണകമ്മിറ്റി നേതാവ് എന്‍.കെ.ബിജു, മദ്യവിരുദ്ധ ജനകീയ സമര സമിതി ജില്ലാ പ്രസിഡന്റ് കെ.കെ.ഗോപിനായര്‍, സ്ത്രീ സുരക്ഷാ സമിതി ജില്ലാ സെക്രട്ടറി എം.കെ.ഉഷ, ജനകീയ പ്രതിരോധ സമിതി പിറവം മേഖലാ സെക്രട്ടറി സി.കെ.നാഥന്‍, ഐഎന്‍പിഎ നേതാവ് ജോയി പ്ലാത്തോട്ടം, പായിപ്ര ദമനന്‍, മദ്യനിരോധന സമിതി നേതാവ് തങ്കച്ചന്‍ സി.എ, ട്രാഫിക് വാര്‍ഡന്‍ പത്മിനി, എന്‍എസ്എസ് വനിതാ സെക്രട്ടറി ലതാശങ്കര്‍, ലൈലാ റഷീദ്, സ്ത്രീ സുരക്ഷാ സമിതി നേതാക്കളായ മേരി തോമസ്, കെ.പി.ശാന്തകുമാരി എന്നിവര്‍ പ്രസംഗിച്ചു. ബഹുജനറാലിയിലും സമ്മേളനത്തിലും സ്ത്രീകളും കുട്ടികളും പുരുഷന്മാരുമടക്കം നൂറുകണക്കിനാളുകള്‍ പങ്കെടുത്തു.സമ്മേളനാനന്തരം സ്ത്രീ സുരക്ഷാ സമിതി പ്രവര്‍ത്തകര്‍ ‘നേര്‍ക്കാഴ്ചകള്‍’ എന്ന തെരുവുനാടകം അവതരിപ്പിച്ചു.

Posted March 8, 2014 by EKMSUCI in PEOPLE'S MOVEMENT, STREE SURAKSHA SAMITHI

%d bloggers like this: