Archive for the ‘AIDSO’ Category

ബാദൽ സർക്കാർ -ന്റെ ഹട്ടാമല നാടിനുമപ്പുറം എന്ന നാടകം(പണമില്ലാത്തവരുടെ നാട്) മുളംതുരുത്തി കൊംസമോൾ നാടക സംഘം മാനവശക്തി ചരിത്ര പ്രദർശന വേദിയിൽ അവതരിപ്പിച്ചപ്പോൾ.   Leave a comment

Advertisements

Posted April 24, 2017 by EKMSUCI in AIDSO, Frontal Organisations, SUCI NEWS

എറണാകുളത്ത് നേതാജി സുഭാഷ് ചന്ദ്രബോസ് അനുസ്മരണം   Leave a comment

നേതാജി ജയന്തി ആചരണം എഐഡിവൈഒ സംസ്ഥാന സെക്രട്ടറി സഖാവ് ഇ.വി.പ്രകാശ് ഉദ്ഘാടനം ചെയ്യുന്നു

നേതാജി ജയന്തി ആചരണം എഐഡിവൈഒ സംസ്ഥാന സെക്രട്ടറി സഖാവ് ഇ.വി.പ്രകാശ് ഉദ്ഘാടനം ചെയ്യുന്നു

എസ്‌യുസിഐ(കമ്മ്യൂണിസ്റ്റ്) പാർട്ടിയുടെ യുവജന-വിദ്യാർത്ഥി-വനിതാ സംഘടനകളുടെ നേതൃത്വത്തിൽ ജനുവരി 23 നേതാജി ജയന്തി സംസ്ഥാനത്തും വ്യാപകമായി ആചരിക്കപ്പെട്ടു
എഐഡിവൈഒയും എഐഡിഎസ്ഒയും സംയുക്തമായി എറണാകുളം മേനകയിൽ സംഘടിപ്പിച്ച നേതാജി ദിനാചരണപരിപാടിയിൽ എഐഡിവൈഒ സംസ്ഥാന സെക്രട്ടറി സഖാവ് ഇ.വി.പ്രകാശ് മുഖ്യപ്രഭാഷണം നടത്തി.
എഐഡിഎസ്ഒ ജില്ലാ പ്രസിഡന്റ് സഖാവ് രശ്മിരവി അദ്ധ്യക്ഷത വഹിച്ചയോഗത്തിൽ ഡിവൈഒ ജില്ലാ നേതാക്കളായ സഖാക്കൾ കെ.പി.സാൽവിൻ, എ.റജീന, ബി.ഗോപൻ എന്നിവർ പ്രസംഗിച്ചു. എഐഡിഎസ്ഒ ജില്ലാ ജോയിന്റ് സെക്രട്ടറി സഖാവ് നിലീന മോഹൻകുമാർ സ്വാഗതവും സഖാവ് ആഷ്‌ന തമ്പി നന്ദിയും പറഞ്ഞു.

Posted January 23, 2017 by EKMSUCI in AIDSO, AIDYO, Frontal Organisations, News, Recent

ലാഭകരമല്ലെന്ന പേരിൽ  പൊതുവിദ്യാലയങ്ങൾ അടച്ചുപൂട്ടരുത് – അഡ്വ.ഇ.എൻ.ശാന്തിരാജ്   Leave a comment

Com: T.K Sudhirekumar speaking

Com: T.K Sudhirekumar speaking

 

Com: E.N Santhiraj speaking

Com: E.N Santhiraj speaking

ലാഭകരമല്ലെന്നപേരിൽ ഒരു പൊതുവിദ്യാലയവും അടച്ചുപൂട്ടരുതെന്ന് എഐഡിഎസ്ഒ സംസ്ഥാന പ്രസിഡന്റ് അഡ്വ.ഇ.എൻ.ശാന്തിരാജ് സർക്കാരിനോട് ആവശ്യപ്പെട്ടു. എഐഡിഎസ്ഒയുടെ 9-ാം ജില്ലാ പ്രതിനിധി സമ്മേളനം മുളന്തുരുത്തിയിൽ ഉദ്ഘാടനം ചെയ്യുകയായിരുന്നു അവർ.

 ”നാലായിരത്തോളം സ്‌കൂളുകളെ ആദായകരമല്ലെന്നപേരിൽ അടച്ചുപൂട്ടാനുള്ള നീക്കത്തിന്റെ ആദ്യപടിയായിട്ടാണ് മാലാപ്പറമ്പ്, പാലാട്ട് തുടങ്ങി നാലുസ്‌കൂളുകളുടെ മേൽപൂട്ട് വീണത്. ലോകപ്രശസ്തമായ ‘കേരളമോഡൽ’ വിദ്യാഭ്യാസവും സംസ്‌കാരവും നേടാനായത് കഴിഞ്ഞ  നൂറ്റാണ്ടിന്റെ തുടക്കത്തിൽ നമ്മുടെ നവോത്ഥാന നായകരുടെ നേതൃത്വത്തിൽ നടന്ന പൊതുവിദ്യാലയങ്ങളുടെ സംസ്ഥാപനം വഴിയാണ്. എന്നാലിന്ന് സാമൂഹ്യജീവിതത്തിന്റെ സർവ്വമേഖലകളെയും ജീർണ്ണിപ്പിക്കുന്ന വിധത്തിൽ കച്ചവടവിദ്യാഭ്യാസം പ്രോത്സാഹിപ്പിക്കുകയും, സർക്കാർ വിദ്യാഭ്യാസമേഖലയിൽനിന്ന് പിൻമാറുകയും ചെയ്യുന്നു”. അവർ തുടർന്നുപറഞ്ഞു.
സമ്മേളനത്തിൽ ജില്ലാപ്രസിഡന്റ് കെ.പി.സാൽവിൻ അദ്ധ്യക്ഷത വഹിച്ചു. എസ്‌യുസിഐ(സി) ജില്ലാ സെക്രട്ടറി ടി.കെ.സുധീർകുമാർ മുഖ്യപ്രഭാഷണം നടത്തി, കേരള സംസ്ഥാന മദ്യവിരുദ്ധ ജനകീയ സമിതി ജില്ലാ കൺവീനർ എൻ.ആർ.മോഹൻകുമാർ, എഐഡിവൈഒ ജില്ലാ സെക്രട്ടറി കെ.ഒ.സുധീർ, സ്ത്രീസുരക്ഷാ സമിതി ജില്ലാ സെക്രട്ടറി എം.കെ.ഉഷ, എഐഡിഎസ്ഒ സംസ്ഥാന കമ്മിറ്റിയംഗം അനിലാ ബോസ് തുടങ്ങിയവർ പ്രസംഗിച്ചു.
സമ്മേളനം രശ്മി രവി(പ്രസിഡന്റ്), അകിൽമുരളി, അശ്വതി.സി.ആർ.(വൈസ്പ്രസിഡന്റ്), നിഖിൽ സജി തോമസ് (സെക്രട്ടറി) നിലീന മോഹൻകുമാർ(ജോ.സെക്രട്ടറി) അഞ്ജലി സുരേന്ദ്രൻ(ട്രഷറർ) തുടങ്ങിയവർ ഭാരവാഹികളായി 34 അംഗ ജില്ലാകമ്മിറ്റിയെയും യോഗം തെരഞ്ഞെടുത്തു.

Posted August 24, 2016 by EKMSUCI in AIDSO, Frontal Organisations, News, Recent

AIDSO സംഘടിപ്പിക്കുന്ന 9th ജില്ലാ വിദ്യാർത്ഥി പ്രതിനിധി സമ്മേളനം   Leave a comment

aidso

സുഹൃത്തേ,

ആൾ ഇന്ത്യാ ഡെമോക്രാറ്റിക് സ്റ്റുഡന്റ്‌സ് ഓർഗനൈസേഷൻ (എഐഡിഎസ്ഒ) സംഘടിപ്പിക്കുന്ന 9-ാമത് എറണാകുളം ജില്ലാ വിദ്യാർത്ഥി പ്രതിനിധി സമ്മേളനം 2016 ആഗസ്റ്റ് 24 ന് മുളന്തുരുത്തിയിൽ നടക്കുകയാണ്. 1954-ൽ രൂപംകൊണ്ട നാൾ മുതൽ മാറിമാറി വന്ന സർക്കാരുകൾ നടപ്പിലാക്കിയ വിദ്യാഭ്യാസ വിരുദ്ധ നയങ്ങൾക്കെതിരെ വിട്ടുവീഴ്ചയില്ലാത്ത പ്രക്ഷോഭണം നയിക്കുന്ന വിദ്യാർത്ഥി സംഘടനയാണ് എഐഡിഎസ്ഒ. ഇന്ന് നമ്മുടെ സമൂഹം നേരിടുന്ന അതീവ ഗുരുതരമായ വിദ്യാഭ്യാസ-സാംസ്‌കാരിക പ്രശ്‌നങ്ങൾ ചർച്ച ചെയ്യുകയും പ്രവർത്തന പദ്ധതി ആവിഷ്‌കരിക്കുകയുമാണ് ഈ സമ്മേളനത്തിന്റെ ലക്ഷ്യങ്ങളിലൊന്ന്.

കുട്ടികൾ കുറഞ്ഞതിന്റെ പേരിൽ ലാഭകരമല്ല എന്ന പട്ടികയിൽ ഉൾപ്പെട്ടിരിക്കുന്നത് കേരളത്തിലെ നാലായിരത്തിലധികം പൊതുവിദ്യാലയങ്ങളാണ്. നമ്മുടെ വിദ്യാഭ്യാസ രംഗം നേരിടുന്ന ദുരന്തമാണ് ഇതിലൂടെ വെളിപ്പെടുന്നത്. നാലു സ്‌കൂളുകൾ സർക്കാർ ഏറ്റെടുത്തുവെന്നും ആയിരം സ്‌കൂളുകളുടെ ഭൗതിക സൗകര്യം അന്താരാഷ്ട്ര നിലവാരത്തിൽ ഉയർത്തുമെന്നും സംസ്ഥാന സർക്കാർ പ്രഖ്യാപിച്ചിട്ടുണ്ട്. എന്നാൽ കുട്ടികൾ കുറഞ്ഞതിന്റെ യഥാർത്ഥ കാരണം നമ്മുടെ സർക്കാർ എയ്ഡഡ് സ്‌കൂളുകളിൽ നടപ്പിലാക്കിയ നിലവാരമില്ലാത്ത പുതിയ പാഠ്യപദ്ധതിയാണെന്ന് വിദ്യാഭ്യാസത്തെ ഗൗരവമായി സമിപിക്കുന്ന ഏവർക്കുമറിയാം. പഠനത്തിനും പഠിപ്പിക്കലിനും പരീക്ഷക്കും പ്രാധാന്യം നൽകുന്ന ഉന്നത നിലവാരമുള്ള പാഠ്യപദ്ധതി നടപ്പിലാക്കാതെ പൊതുവിദ്യാലയങ്ങളെ സംരക്ഷിക്കാനാവില്ല സ്വയംഭരണ കോളേജാക്കുന്നതുവഴി സർക്കാർ എയ്ഡഡ് കോളേജുകളെ സ്വകാര്യവിദ്യാഭ്യാസ കച്ചവടകേന്ദ്രങ്ങളാക്കി മാറ്റുകയാണ്. അടിസ്ഥാന ശാസ്ത്ര-ഭാഷ-മാനവീക വിഷയങ്ങൾക്ക് പകരം കമ്പോളാധിഷ്ഠിതമായ വൈദഗ്ധ്യ പരിശീലനമാണ് വിജ്ഞാനമെന്ന പേരിൽ ഈ സ്ഥാപനങ്ങളിൽ വെച്ചുവിളമ്പുന്നത്. വിദ്യാഭ്യാസത്തിന്റെ മാത്രമല്ല, വിദ്യാർത്ഥികളുടേയും അദ്ധ്യാപകരുടേയും ജനാധിപത്യ അവകാശങ്ങളുടെ കുരുതിനിലങ്ങളായും ഇവ മാറിക്കൊണ്ടിരിക്കുന്നു. ദേശീയ തലത്തിൽ തന്നെയുള്ള നയത്തിന്റെ ഭാഗമായാണ് ഇത്തരം സ്ഥാപനങ്ങൾ രൂപംകൊള്ളുന്നത്. സർവ്വകലാശാലകളിൽ നിലനിന്നിരുന്ന പ്രൈവറ്റ് രജിസ്‌ട്രേഷൻ ഇല്ലാതാക്കി പാരലൽ വിദ്യാഭ്യാസമേഖലയെ തകർക്കുന്നത് കേരളത്തിലെ ആയിരങ്ങൾക്ക് ഉന്നതവിദ്യാഭ്യാസരംഗത്തെയ്ക്കുള്ള പ്രവേശനം നിഷേധിക്കും.

1986-ലെ ദേശീയ വിദ്യാഭ്യാസ നയത്തിലൂടെയാണ് ജനാധിപത്യ വിദ്യാഭ്യാസ ധ്വംസന പ്രക്രീയ ഇന്ത്യയിൽ ആരംഭിച്ചത്. ഇപ്പോൾ വിദ്യാഭ്യാസത്തെ ഗാട്‌സിന്റെ പരിധിയിൽ കൊണ്ടുവരാനുള്ള ശ്രമത്തിലാണ് കേന്ദ്ര സർക്കാർ. ബിർളാ-അംബാനി കമ്മിറ്റി, യശ്പാൽ കമ്മിറ്റി, എൻകെസി, ഏറ്റവും പുതിയ എൻപിഇ (ഒരു വിദ്യാഭ്യാസ പ്രവർത്തകനും ഉൾപ്പെടാത്ത ജനാധിപത്യ വിരുദ്ധ പാനൽ)യുടെ ഡ്രാഫ്റ്റ് തുടങ്ങി എല്ലാ കമ്മിറ്റികളും ശുപാർശ ചെയ്യുന്നത് വിദ്യാഭ്യാസത്തിന്റെ സമ്പൂർണമായ സ്വകാര്യവൽക്കരണത്തിലുടെ വിദ്യാഭ്യാസത്തെ ആഗോള കമ്പോള വസ്തുവാക്കി മാറ്റുക എന്നതാണ്. സാമ്പത്തിക ഉത്തരവാദിത്തങ്ങളിൽ നിന്ന് സർക്കാർ ഒഴിഞ്ഞു മാറുകയും പറ്റുന്നിടത്തെല്ലാം വിദ്യാഭ്യാസ സ്ഥാപനങ്ങളുടെ അവകാശങ്ങളെ ഞെക്കിക്കൊല്ലുന്ന വിരോധാഭാസമാണ് നിലനിൽക്കുന്നത്. വിദ്യാഭ്യാസമേഖലയുടെ കേന്ദ്രീകരണത്തിലുടെയും ബ്യൂറോക്രാറ്റുകളുടെ അനാവശ്യമായ നിയന്ത്രണത്തിലൂടെയും നിലവിലുള്ള ഫാസിസ്റ്റ് ഭരണകൂടം വിദ്യാർത്ഥികളുടെയും വിദ്യാഭ്യാസമേഖലയുടെയും എല്ലാ അവകാശങ്ങളും കവർന്നെടുക്കുകയാണ്.

ഉന്നത വിദ്യാഭ്യാസമുൾപ്പെടെ വിവേചനങ്ങളില്ലാതെ പഠിക്കാനുള്ള സാഹചര്യം ഒരുക്കുക, മതപരവും സങ്കുചിതവുമായ മുൻവിധികൾക്കും ജാതീയമായ അസഹിഷ്ണുതയ്ക്കും അതീതമായി നല്ല വ്യക്തിത്വത്തെ വളർത്തിയെടുക്കുക, ഗവൺമെൻറുകൾ നിരുപാധികമായി ഫണ്ട് നൽകുകയും അക്കാദമികമായ കാര്യങ്ങളിൽ കൈകടത്താതെ അത് വിദ്യാഭ്യാസ വിചക്ഷണർക്ക് വിട്ടുകൊടുക്കുകയും ചെയ്യുന്ന വിദ്യാഭ്യാസ സ്വയംഭരണം നടപ്പിലാക്കുക എന്നതൊക്കെയാണ് ജനാധിപത്യ വിദ്യാഭ്യാസമെന്നതിലൂടെ വിവക്ഷിക്കുന്നത്. എന്നാൽ കേന്ദ്ര സംസ്ഥാന സർക്കാരുകളുടെ വിദ്യാഭ്യാസവിരുദ്ധ നയങ്ങളുടെ പരിണതഫലം നാം ഇന്ന് നേരിടുകയാണ്.

പ്ലസ്ടു തലം മുതൽ ശാസ്ത്രവിഷയങ്ങൾ ഐച്ഛികമായി പഠിക്കുവാനുള്ള അവസരത്തിനായി കടുത്ത മത്സരമാണ് നമ്മുടെ നാട്ടിൽ. എന്നാൽ ഇതിന് നേർവിപരീത ദിശയിലാണ് ശാസ്ത്രീയ മനോഭാവത്തിന്റെയും യുക്തിചിന്തയുടേയും വളർച്ച. നവോത്ഥാനം രൂപംകൊടുത്ത ശാസ്ത്രീയ മതേതര ജനാധിപത്യ മൂല്യങ്ങളും അതിനെ അടിസ്ഥാനപ്പെടുത്തിയ വിദ്യാഭ്യാസ വ്യവസ്ഥയെയും നശിപ്പിക്കാൻ ഭരണകൂടം തന്നെ നേതൃത്വം നൽകുന്നു. ഇന്ത്യൻ സംസ്‌കാരമെന്ന പേരിൽ കാലഹരണപ്പെട്ടതും പഴകിയതുമായ ആശയങ്ങളും അന്ധവിശ്വാസങ്ങളും അശാസ്ത്രീയ ആശയങ്ങളും തരംതാണ സംസ്‌കാരങ്ങളും കുട്ടികളെ പഠിപ്പിക്കുന്നു. വർഗീയ ഗൂഢാലോചനകളുടെ ഭാഗമായി കേന്ദ്ര സർക്കാർ മതഭ്രാന്തും ജാതിവെറിയും വളർത്തുകയും മനഃപ്പൂർവ്വം ചരിത്രത്തെ വളച്ചൊടിച്ച് ഹിന്ദു പുരാണങ്ങളും ഇതിഹാസങ്ങളും ചരിത്രത്തിന്റെയും ശാസ്ത്രത്തിന്റെയും പേരിൽ അവതരിപ്പിക്കുന്നു. ശാസ്ത്രത്തിന്റെ സാങ്കേതിക വൈദഗ്ധ്യം നേടിയവരുടെ ചിന്തയിൽ അശാസ്ത്രീയ ആശയങ്ങളാണെങ്കിൽ, അവരിൽ ഫാസിസ്റ്റ് മനോഘടനയാണ് രൂപം കൊള്ളുന്നതെന്നും അവർ മാനവസമൂഹത്തിന്റെ പുരോഗതിക്ക് വിഘാതമാകുമെന്നും ചരിത്രം നമ്മേ പഠിപ്പിക്കുന്നു.

ബ്രീട്ടീഷ് ഭരണ നാളുകളിൽ ഭരണകൂടം തന്നെ നേതൃത്വം നൽകിയിരുന്ന- വിദ്യാർത്ഥികൾ രാഷ്ട്രീയത്തിൽ ഇടപെടരുത്- എന്ന പ്രചാരണം ഇന്ന് സർവ്വശക്തമായി തിരിച്ചുവന്നിരിക്കുന്നു. ഇത് കമ്പോള വിദ്യാഭ്യാസത്തിന് അനുകൂലമായ സാഹചര്യമൊരുക്കുന്നതോടൊപ്പം പുതിയ തലമുറയെ സാമൂഹ്യമായ ഉത്തരവാദിത്തത്തിൽ നിന്നും ജനാധിപത്യമൂല്യങ്ങൾ സ്വാംശീകരിക്കുന്നതിൽ നിന്നും വിമുഖരാക്കുന്നു. കുട്ടികൾ മദ്യത്തിനും മയക്കുമരുന്നിനും അടിമകളാക്കപ്പെടുന്നു. സ്ത്രീകൾ ലൈംഗിക വസ്തുക്കളായി അവതരിപ്പിക്കപ്പെടുന്നു. അശ്ലീലവും അക്രമണമനോഭാവവും അവർക്കിടയിൽ വ്യാപിപ്പിക്കുകയാണ്. യുവതലമുറ ക്വട്ടേഷൻ സംഘങ്ങളുടേയും മതതീവ്രവാദത്തിന്റെയും ഭാഗമാകുന്നുവെന്നുവെന്ന് മാത്രമല്ല സ്വന്തം മാതാപിതാക്കളെ ‘നടയ്ക്ക് വയ്ക്കുന്ന’ ദാരുണമായ സ്ഥിതിയിൽ വരെ കാര്യങ്ങൾ എത്തിനിൽക്കുന്നു.

അന്ധകാരത്തിന്റെ ഈ നാളുകളിലും പ്രതീക്ഷയുടെ പൊൻവെളിച്ചം ഞങ്ങൾ കാണുന്നു. ശക്തമായ വിദ്യാഭ്യാസപ്രക്ഷോഭങ്ങൾ ഇന്ത്യയുടെ പലഭാഗങ്ങളിലായി പൊട്ടിപ്പുറപ്പെടുകയാണ്. ശാസ്ത്രീയ-മതേതര-ജനാധിപത്യ വിദ്യാഭ്യാസത്തെ പുനഃസ്ഥാപിക്കാനും വിദ്യാഭ്യാസത്തെ സംരക്ഷിക്കാനുമായി നിരവധിയായ പ്രക്ഷോഭങ്ങൾ നടത്തിവരുന്ന പ്രസ്ഥാനമാണ് എഐഡിഎസ്ഒ. ഈ അവസരത്തിൽ ദേശീയ തലത്തിൽ 2016 സെപ്തംബർ 27 ന് അഖിലേന്ത്യാ ഡൽഹി മാർച്ചും 28 ന് വിദ്യാഭ്യാസ കൺവെൻഷനും കേരളത്തിൽ, ഒക്‌ടോബർ 7,8,9 തീയതികളിൽ സംസ്ഥാന വിദ്യാർത്ഥി സമ്മേളനവും എഐഡിഎസ്ഒ സംഘടിപ്പിക്കുകയാണ്.
എറണാകുളം ജില്ലയിൽ, ആഗസ്റ്റ് 24 ന് ജില്ലാ വിദ്യാർത്ഥി പ്രതിനിധിസമ്മേളനം മുളന്തുരുത്തിയിൽ നടക്കുകയാണ്. വിദ്യാഭ്യാസ സംരക്ഷണ പ്രക്ഷോഭങ്ങൾക്ക് ഇത് ഉശിരുപകരുമെന്ന് ഞങ്ങൾ പ്രതീക്ഷിക്കുന്നു. ആയതിനാൽ, മുഴുവൻ വിദ്യാഭ്യാസ സ്‌നേഹികളുടെയും എല്ലാവിധ സഹകരണങ്ങളും ഞങ്ങൾ അഭ്യർത്ഥിക്കുന്നു.

Posted August 17, 2016 by EKMSUCI in AIDSO, Frontal Organisations, News, Recent

പീപ്പിൾസ് വോയ്‌സിന്റെ ആഭിമുഖ്യത്തിൽ രാപകൽ സമരവും ബഹുജനസംഗമവും   Leave a comment

jisha dso demo

jisha sanumash 2

jisha aravindakshan sir

ജിഷയുടെ ഘാതകരെ അറസ്റ്റുചെയ്യുക, ഇനി ഒരു ജിഷ ആവർത്തിക്കപ്പെടരുത് തുടങ്ങിയ ഡിമാന്റുകൾ ഉയർത്തിക്കൊണ്ട് എറണാകുളം ലോകോളേജിനുമുന്നിൽ ജിഷയുടെ സഹപാഠികളും ലോകോളേജ് വിദ്യാർത്ഥികളും പൂർവ്വവിദ്യാർത്ഥികളുമൊക്കെ ചേർന്ന് ‘പീപ്പിൾസ് വോയ്‌സ്’ എന്ന സംഘടനരൂപീകരിച്ച് നടത്തിവന്ന രാപകൽ സമരപന്തലിലേയ്ക്ക് എഐഡിഎസ്ഒ പ്രവർത്തകർ ഐക്യദാർഢ്യപ്രകടനം നടത്തി. ലോകോളേജിനുമുന്നിൽ തുടർന്ന് നടന്ന യോഗം എഐഡിഎസ്ഒ സംസ്ഥാനപ്രസിഡന്റ് അഡ്വ.ഇ.എൻ.ശാന്തിരാജ് ഉദ്ഘാടനം ചെയ്തു.

”സമൂഹമനഃസാക്ഷിയെ നടുക്കിയ ഈ വിഷയം തേച്ചുമാച്ചുകളയാനുള്ള ഗൂഢശ്രമങ്ങളെ പരാജയപ്പെടുത്തിയ സുമനസ്സുകളുടെ ഈ കൂട്ടായ്മ തുടർന്നും നിലനിൽക്കണമെന്നും ഇനിയൊരു ജിഷ ആവർത്തിക്കപ്പെടാതിരിക്കണമെങ്കിൽ ജീർണ്ണിച്ച സാമൂഹ്യസാഹചര്യങ്ങളെ സമൂലമായി മാറ്റാനുള്ള ഉത്തരവാദിത്തമേറ്റെടുക്കാൻ യുവാക്കളും വിദ്യാർത്ഥികളും മുന്നോട്ടുവരേണ്ടതുണ്ടെന്നും” അവർ പറഞ്ഞു. എഐഡിഎസ്ഒ സംസ്ഥാനസെക്രട്ടേറിയറ്റംഗം കെ.പി.സാൽവിൻ അദ്ധ്യക്ഷത വഹിച്ചു. എഐഡിഎസ്ഒ നേതാക്കളായ വി.ഡി.സന്തോഷ്, എം.കെ.ഷഹസാദ്, എസ്.അലീന, അഡ്വ. ആർ.അപർണ്ണ, രശ്മി രവി, നിഖിൽ സജി തോമസ് തുടങ്ങിയവർ പ്രസംഗിച്ചു. ഐക്യദാർഢ്യത്തിന് നന്ദിപറഞ്ഞുകൊണ്ട് പീപ്പിൾസ് വോയ്‌സ് പ്രസിഡന്റ് ശ്രീകുമാർ കാവിൽ, സെക്രട്ടറി അനൂപ് ആന്റണി, സപ്ന ഫാത്തിമ തുടങ്ങിയവർ പ്രസംഗിച്ചു.

പീപ്പിൾസ് വോയ്‌സിന്റെ നേതൃത്വത്തിൽ 49 ദിവസം നീണ്ട രാപകൽസമരത്തെ പത്രമാദ്ധ്യമങ്ങൾ കാര്യമായി പരിഗണിച്ചില്ലെങ്കിലും ആയിരക്കണക്കിന് സാധാരണജനങ്ങൾ പന്തലിലെത്തി കൂട്ടായ്മയ്ക്ക് പിന്തുണയും സഹായങ്ങളും നൽകി. മന്ത്രി തോമസ് ഐസക് ഉൾപ്പെടെയുള്ള സാമൂഹ്യസാംസ്‌കാരിക രംഗങ്ങളിലെ പ്രമുഖരും പിന്തുണയുമായി എത്തിയവരിൽപ്പെടുന്നു. ലോ കോളേജിലെ പൂർവ്വവിദ്യാർത്ഥിനിയും എഐഡിഎസ്ഒ സംസ്ഥാനപ്രസിഡന്റുമായ അഡ്വ.ഇ.എൻ.ശാന്തിരാജിന്റെ നേതൃത്വത്തിൽ എഐഡിഎസ്ഒ സമരത്തിന് ഒപ്പം ചേർന്നിരുന്നു.

ജൂൺ 13 ന് സമരപന്തലിൽ ചേർന്ന ബഹുജന സംഗമത്തോടെ സമരം മറ്റൊരു ഘട്ടത്തിലേയ്ക്ക് കടന്നു. ‘പ്രതിയല്ല, പ്രതിവിധിയാണ് വേണ്ടത്’ എന്ന മുദ്രവാക്യമുയർത്തി സംഘടിപ്പിക്കപ്പെട്ട ബഹുജനസംഗമം പ്രൊഫ. കെ.അരവിന്ദാക്ഷൻ ഉദ്ഘാടനം ചെയ്തു. പീപ്പിൾസ് വോയ്‌സിന്റെ പ്രസിഡന്റ് ശ്രീകുമാർ കാവിൽ അദ്ധ്യക്ഷതവഹിച്ച സംഗമത്തിൽ മുഖ്യാതിഥിയായി പ്രൊഫ.എം.കെ.സാനു പങ്കെടുത്തു. അഡ്വ.എ.ജയശങ്കർ മുഖ്യപ്രഭാഷണം നടത്തി. തുടർന്ന് തകഴി ജയചന്ദ്രൻ അവതരിപ്പിച്ച ഏകാംഗനാടകം ഹൃദയസ്പർശിയായ അനുഭവമായി മാറി. പ്രമുഖ മാധ്യമപ്രവർത്തകൻ സാഹിൻ ആന്റണി, എസ്‌യുസിഐ(സി) ജില്ലാ സെക്രട്ടേറിയറ്റംഗം പി.എം.ദിനേശൻ, ഇടപ്പള്ളി ബഷീർ, ടി.സി.സുബ്രഹ്മണ്യൻ, ഡോ.അനിൽകുമാർ, അഡ്വ. ഇ.എൻ.ശാന്തിരാജ്, എഐഡിവൈഒ ജില്ലാസെക്രട്ടറി കെ.ഒ.സുധീർ, പീപ്പിൾസ് വോയ്‌സ് നേതാക്കളായ നിഥിൻ ജോൺസൺ, അംജേഷ്, വരദ സുരേന്ദ്രൻ, സപ്ന ഫാത്തിമ, അഖിൽ സോമൻ, രേഷ്മ മോഹൻദാസ്, മിഥുൻ, ശ്യാം, ബിനീത ബാബു, ടിന്റുമോഹൻ, എഐഡിഎസ്ഒ സംസ്ഥാന നേതാക്കളായ കെ.പി.സാൽവിൻ, എം.കെ.ഷഹസാദ്, അഡ്വ.ആർ.അപർണ്ണ തുടങ്ങിയവരും പ്രസംഗിച്ചു. കുഞ്ഞുമുഹമ്മദിന്റെ ഗസൽ അവതരണം ഉൾപ്പെടെ ശ്രദ്ധേയമായ പരിപാടികളോടെ നടന്ന ബഹുജനസംഗമത്തോടെ സമരത്തിന്റെ ഒന്നാംഘട്ടം അവസാനിച്ചു.

ജിഷയുടെ കൊലപാതകത്തിനുപിന്നിലെ മുഴുവൻ വസ്തുതകളും പുറത്തുകൊണ്ടുവരുന്നതുവരെയും സമരം തുടരുമെന്ന് പീപ്പിൾസ് വോയ്‌സ് ഭാരവാഹികൾ പറഞ്ഞു. കൊലപാതകവുമായി ബന്ധപ്പെട്ട തെളിവുകൾ നശിപ്പിക്കാൻ കൂട്ടുനിന്നവരെയും പ്രതികളാക്കേണ്ടത് ഭാവിയിൽ ഇത്തരം കുറ്റങ്ങൾ ആവർത്തിക്കാതിരിക്കാൻ ആവശ്യമാണെന്നും അവർ ചൂണ്ടിക്കാണിച്ചു.

Posted June 16, 2016 by EKMSUCI in AIDSO, Frontal Organisations, News, Recent

ഭഗത്‌സിംഗ് രക്തസാക്ഷിദിനാചരണം അങ്കമാലിയിൽ   Leave a comment

AIDYO District president Comrade PP Agustine speaking

AIDYO District president Comrade PP Agustine speaking

 

AIDSO District president Comrade Salvin KP speaking

AIDSO District president Comrade Salvin KP speaking

മാർച്ച് 23:

ഇന്ത്യൻ സ്വാതന്ത്ര്യസമരത്തിലെ അനശ്വര പോരാളി ഭഗത്‌സിംഗിന്റെ രക്തസാക്ഷിദിനം എഐഡിഎസ്ഒയും എഐഡിവൈഒയും ചേർന്ന് ആചരിച്ചു. അങ്കമാലി കെഎസ്ആർടിസി സ്റ്റാൻഡിനുസമീപം ചേർന്ന ആചരണയോഗത്തിൽ എഐഡിവൈഒ ജില്ലാ പ്രസിഡന്റ് സഖാവ് പി.പി.അഗസ്റ്റിൻ മുഖ്യപ്രഭാഷണം നടത്തി.
രാജ്യസ്‌നേഹത്തിന്റെയും ദേശദ്രോഹത്തിന്റെയും പേരിൽ സംഘപരിവാർ നടത്തുന്ന കിരാത ആക്രമണങ്ങൾക്കെതിരെ ജനാധിപത്യത്തിൽ വിശ്വസിക്കുന്നവർ രംഗത്തിറങ്ങണമെന്ന് അദ്ദേഹം അഭിപ്രായപ്പെട്ടു. ബ്രിട്ടീഷ് വാഴ്ചയ്‌ക്കെതിരെ നടത്തിയ ഉജ്ജ്വലമായ പോരാട്ടത്തിന്റെ സൃഷ്ടിയാണ് ഇന്ത്യൻ ദേശീയതയും സ്വതന്ത്ര ഇന്ത്യയും. അതിനുമുമ്പ് തമ്മിലടിച്ചിരുന്ന നാട്ടുരാജ്യങ്ങൾമാത്രമേ ഇവിടെയുണ്ടായിരുന്നുള്ളു. എന്നാൽ ഈ സ്വാതന്ത്ര്യസമരപോരാട്ടത്തിനെതിരെ നിലപാടെടുത്ത് ബ്രിട്ടീഷ് വാഴ്ചയോട് സന്ധിമനോഭാവം പുലർത്തിയിരുന്ന ഇന്നത്തെ സംഘപരിവാറിന്റെ മുൻഗാമികൾ ഇന്ന് ദേശസ്‌നേഹത്തെക്കുറിച്ചുപറയുന്നത് തട്ടിപ്പാണെന്ന് നാം തിരിച്ചറിയണം. രാജ്യത്തെ സ്വദേശ-വിദേശ സാമ്രാജ്യത്വ മൂലധനശക്തികൾക്ക് ചൂഷണത്തിനുവേണ്ടി തുറന്നുകൊടുക്കുന്ന മോദിയുടെ ബിജെപി സർക്കാരും മൻമോഹന്റെ കോൺഗ്രസ്സും ഈ നയങ്ങളെ പിന്തുണയ്ക്കുന്ന കക്ഷിരാഷ്ട്രീയപ്രസ്ഥാനങ്ങളും രാജ്യത്തെ ബഹുഭൂരിപക്ഷത്തിനും എതിരാണ്. ഇവരാണ് രാജ്യദ്രോഹികൾ. ഭഗത്‌സിംഗും സഖാക്കളും എല്ലാത്തരം ചൂഷണങ്ങളിൽ നിന്നും വിമുക്തമായ ഒരു ഭാരതത്തെയാണ് സ്വപ്നം കണ്ടിരുന്നത്. ആ സ്വപ്നംപൂർത്തീകരിക്കാൻ ഒരുമിക്കുകയെന്നതാണ് യുവാക്കളുടെയും വിദ്യാർത്ഥികളുടെയും ഉത്തരവാദിത്തമെന്നും അദ്ദേഹം പറഞ്ഞു.
എഐഡിഎസ്ഒ ജില്ലാ പ്രസിഡന്റ് സഖാവ് കെ.പി.സാൽവിൻ അദ്ധ്യക്ഷത വഹിച്ചു. എസ്‌യുസിഐ(സി) അങ്കമാലി ലോക്കൽ സെക്രട്ടറി സഖാവ് കെ.സി.ജയൻ, എഐഎംഎസ്എസ് ജില്ലാ വൈസ്പ്രസിഡന്റുമാരായ സഖാവ് എം.കെ.കാഞ്ചനവല്ലി, സഖാവ് ബി.പി.ബിന്ദു, എഐഡിഎസ്ഒ ജില്ലാ സെക്രട്ടറി രശ്മി രവി, ജില്ലാ കമ്മിറ്റിയംഗങ്ങളായ നിഖിൽ സജി തോമസ് തുടങ്ങിയവരും പ്രസംഗിച്ചു.

Posted March 23, 2016 by EKMSUCI in AIDSO, AIDYO, Frontal Organisations

പ്രചോദനയുടെ ആഭിമുഖ്യത്തില്‍ കുട്ടികളുടെ ക്യാമ്പ്‌   Leave a comment

ആമ്പല്ലൂര്‍ തോട്ടറ സ്‌കൂളില്‍ നടന്ന ക്യാമ്പ് കെ,എസ്.ഹരികുമാര്‍ ഉദ്ഘാടനം ചെയ്യുന്നു

ആമ്പല്ലൂര്‍ തോട്ടറ സ്‌കൂളില്‍ നടന്ന ക്യാമ്പ് കെ,എസ്.ഹരികുമാര്‍ ഉദ്ഘാടനം ചെയ്യുന്നു

പ്രചോദനയുടെ ആഭിമുഖ്യത്തില്‍ എറണാകുളം ജില്ലയിലെ ആമ്പല്ലൂരിലും പിറവം പെരിയപ്പുറത്തും കുട്ടികളുടെ ക്യാമ്പ് സംഘടിപ്പിക്കപ്പെട്ടു.
പെരിയപ്പുറം ഗവ.യു.പി.സ്‌കൂളില്‍ ഡിസംബര്‍ 23 ന് സംഘടിപ്പിക്കപ്പെട്ട കുട്ടികളുടെ ക്യാമ്പ് ബ്രേക്ത്രൂ സയന്‍സ് സൊസൈറ്റി ജില്ലാചാപ്റ്റര്‍ അംഗം കെ.എസ്.ഹരികുമാര്‍ ഉദ്ഘാടനം ചെയ്തു. പ്രചോദന ജില്ലാ സംഘാടക കമ്മിറ്റിയംഗം രശ്മി രവി അദ്ധ്യക്ഷത വഹിച്ചു. കെ.ജി.അനില്‍കുമാര്‍, എം.കെ.ഉഷ, ടി.സി.കമല, കലാ സുധാകരന്‍, സി.എന്‍.മുകുന്ദന്‍, ടി.സി.രമണന്‍ തുടങ്ങിയവര്‍ പ്രസംഗിച്ചു.
ശാസ്ത്രക്ലാസ്സുകളും, ചിത്രരചന-നാടക ശില്‍പ്പശാലകളും നടന്നു. കെ.എസ്.ഹരികുമാര്‍, കെ.ജി.അനില്‍കുമാര്‍, സി.കെ.ശിവദാസന്‍, കെ.പി.സാല്‍വിന്‍, അഞ്ജലി സുരേന്ദ്രന്‍, നിലീന മോഹന്‍കുമാര്‍ തുടങ്ങിയവര്‍ ക്ലാസ്സുകള്‍ നയിച്ചു. സമാപനസമ്മേളനത്തില്‍ പി.എം.ദിനേശന്‍ ക്യാമ്പ് സന്ദേശം നല്‍കി. സ്‌കൂള്‍ ഹെഡ്മാസ്റ്റര്‍ വി.എസ്.സുരേന്ദ്രന്‍ പമ്പാക്കുട ഗ്രാമപഞ്ചായത്ത് മെമ്പര്‍ ജിജോ കെ. മണി, നിലീന മോഹന്‍കുമാര്‍, പി.കെ.പ്രശാന്ത് എന്നിവര്‍ ആശംസാപ്രസംഗം നടത്തി.
ആമ്പല്ലൂര്‍ യൂണിറ്റിന്റെ ആഭിമുഖ്യത്തില്‍ ഡിസംബര്‍ 27 ന് തോട്ടറ സംസ്‌കൃത സ്‌കൂളില്‍ നടന്ന 9-ാമത് കുട്ടികളുടെ ക്യാമ്പ് കെ.എസ്.ഹരികുമാര്‍ ഉദ്ഘാടനം ചെയ്തു. വിഖ്യാത ശാസ്ത്രജ്ഞന്‍ ആല്‍ബര്‍ട്ട് ഐന്‍സ്റ്റീനെയും വൈക്കം മുഹമ്മദ് ബഷീറിനെയും പരിചയപ്പെടുത്തിക്കൊണ്ടുള്ള ക്ലാസ്സുകളും ചിത്രരചന, സംഗീതം, ലേഖനപരിചയം തുടങ്ങിയവിഷയങ്ങളിലുള്ള ശില്‍പ്പശാലകളും നടന്നു.
ഇന്ദിരാഗാന്ധി ഓപ്പണ്‍ യൂണിവേഴ്‌സിറ്റി അസി.റീജ്യണല്‍ ഡയറക്ടര്‍ ഡോ.ജലജാകുമാരി, കെ.ജി.അനില്‍കുമാര്‍, കലാസുധാകരന്‍, അഡ്വ. സുജ ആന്റണി, കെ.ഒ.സുധീര്‍, എം.കെ.ഉഷ എന്നിവര്‍ക്ലാസ്സുകള്‍ക്കും ശില്‍പ്പശാലകള്‍ക്കും നേതൃത്വം നല്‍കി.
വൈകിട്ട് നടന്ന സമാപനസമ്മേളനം പ്രചോദന ഉപദേശക സമിതിയംഗം എന്‍.ആര്‍.മോഹന്‍കുമാര്‍ ഉദ്ഘാടനം ചെയ്തു. കെ.ഒ.ഷാന്‍ അദ്ധ്യക്ഷത വഹിച്ചു. വി.എന്‍.മോഹനന്‍, ടി.സി. കമല, നിലീന മോഹന്‍കുമാര്‍, ആതിരാ ഹരിദാസ്, പ്രിയനന്ദനന്‍, ശരത്ഷാന്‍ എന്നിവര്‍ സംസാരിച്ചു.

Posted December 23, 2015 by EKMSUCI in AIDSO, Frontal Organisations, Uncategorized

%d bloggers like this: