അന്താരാഷ്ട്ര ലഹരിവിരുദ്ധ ദിനാചരണം   Leave a comment

മുളന്തുരുത്തിയിൽ നടന്ന ലഹരിവിരുദ്ധ സംഗമം പഞ്ചായത്തുപ്രസിഡന്റ് രഞ്ജി കുര്യൻ ഉദ്ഘാടനം ചെയ്യുന്നു

മുളന്തുരുത്തിയിൽ നടന്ന ലഹരിവിരുദ്ധ സംഗമം പഞ്ചായത്തുപ്രസിഡന്റ് രഞ്ജി കുര്യൻ ഉദ്ഘാടനം ചെയ്യുന്നു

 

മുളന്തുരുത്തി മേഖലയിൽ നടന്ന ലഹരിവിരുദ്ധ സന്ദേശ ജാഥയിൽ ഗാനങ്ങൾ ആലപിക്കുന്ന ഗായകസംഘം

മുളന്തുരുത്തി മേഖലയിൽ നടന്ന ലഹരിവിരുദ്ധ സന്ദേശ ജാഥയിൽ
ഗാനങ്ങൾ ആലപിക്കുന്ന ഗായകസംഘം

ഒരുമാസക്കാലം നീണ്ടുനിൽക്കുന്ന ആചരണപരിപാടികളുടെ ജില്ലാതല ഉദ്ഘാടനം മുളന്തുരുത്തി ഗവൺമെന്റ് ഹയർസെക്കണ്ടറി സ്‌കൂളിൽ നടന്നു. മുളന്തുരുത്തി ഗ്രാമപഞ്ചായത്ത് പ്രസിഡന്റ് രഞ്ജികുര്യൻ ലഹരിവിരുദ്ധ കൂട്ടായ്മ ഉദ്ഘാടനം ചെയ്തു. മുളന്തുരുത്തി മേഖലാ പ്രസിഡന്റ് എം.ആർ.സെനിത്കുമാർ അദ്ധ്യക്ഷത വഹിച്ചു. മുളന്തുരുത്തി പോലീസ് സബ് ഇൻസ്‌പെക്ടർ ജയപ്രകാശ് വി. പ്രതിജ്ഞാവാചകം ചൊല്ലിക്കൊടുത്തു. ജില്ലാ ജനറൽ കൺവീനർ എൻ.ആർ.മോഹൻകുമാർ, റജി ഐപ്പ്, കെ.പി.പവിത്രൻ, പി.കെ.റജി, കെ.എ.ജോഷി, ജോളി പി.തോമസ്, വേണു മുളന്തുരുത്തി, കെ.ഒ.സുധീർ, എം.കെ.ഉഷ, ടി.സി.കമല എന്നിവർ പ്രസംഗിച്ചു.

മുളന്തുരുത്തി മേഖലയിലെ 16 സ്‌കുളൂകളെ കോർത്തിണക്കി ജൂൺ 27,28 തീയതികളിൽ ലഹരി വിരുദ്ധ സന്ദേശജാഥ സംഘടിപ്പിച്ചു. ചോറ്റാനിക്കര ഗവൺമെന്റ് ഹൈസ്‌ക്കൂൾ അങ്കണത്തിൽ ചോറ്റാനിക്കര ഗ്രാമപഞ്ചായത്തുപ്രസിഡന്റ് ഓമന ശശി ഉദ്ഘാടനം ചെയ്തു. 28-ാം തീയതി തലക്കോട് സെന്റ്‌മേരീസ് ഹയർസെക്കണ്ടറി സ്‌കൂൾ അങ്കണത്തിൽ നടന്ന രണ്ടാംദിന ജാഥാ ഉദ്ഘാടനം എറണാകുളം എക്‌സൈസ് സർക്കിൾ ഇൻസ്‌പെക്ടർ പി.വി.ഏലിയാസ് നിർവ്വഹിച്ചു. വിവിധ സ്‌കൂളുകളിൽ നടന്ന സന്ദേശജാഥയിൽ പി.പി.സജീവ്കുമാർ, കെ.എസ്.ഹരികുമാർ തുടങ്ങിയവരും പ്രസംഗിച്ചു. സന്ദേശജാഥയിൽ ലഹരിവിരുദ്ധ ഗാനം സത്കലാവിജയൻ, ബിനീഷ് പെരുമ്പിളി, എൻ.എം.ബാബു, കെ.എൻ.രാജി, രശ്മി രവി, എം.കെ.ഉഷ, ആഷ്‌നാ തമ്പി തുടങ്ങിയവർ ആലപിച്ചു.

ജൂലൈ 13 ന് മുളന്തുരുത്തിയിൽ നടക്കുന്ന ലഹരിവിരുദ്ധ കൂട്ടനടത്തവും സംഗമവും എക്‌സൈസ് കമ്മീഷണർ ഋഷിരാജ്‌സിംഗ് ഉദ്ഘാടനം ചെയ്യും. തൃപ്പൂണിത്തുറ തിരുവാങ്കുളം കമ്പിവേലിക്കകത്തു നടന്ന ലഹരിവിരുദ്ധ ദിനാചരണം മദ്യവിരുദ്ധ ജനകീയ സമരസമിതി ജില്ലാ കൺവീനർ പി.എം.ദിനേശൻ ഉദ്ഘാടനം ചെയ്തു. റ്റി.എ.വേലപ്പൻ, സി.ബി.അശോകൻ എന്നിവർ പ്രസംഗിച്ചു. തുടർന്ന് ഡോക്യുമെന്ററി പ്രദർശനവും പി.പി. സജീവ്കുമാറി(ബ്രേക്ക് ത്രൂ സയൻസ് സൊസൈറ്റി)ന്റെ പ്രഭാഷണവും നടന്നു.

Advertisements

Posted June 26, 2016 by EKMSUCI in MVJSS, PEOPLE'S MOVEMENT

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: